Yeh hum kahaan jaa rahe hai?

Khushiyon ke intezaar mein hum kyun khush hona bhulte jaa rahe hai?? Zindagi ki talaash mein hi, jeena chhodte jaa rahe hai. Mushkilon ke bich sukoon ke pal, bitana bhulte jaa rahe hai...! Aansuon ko pochhne ke baad, muskurana hi bhul jaa rahe hai....!! Aage badhte-badhte ghar ko hi yaad nahi kar paa rahe hai...! Raaste par chalte-chalte, saathi ko peeche chhodte jaa rahe hai. Tapti dhoop ke bich, roshni ko andekha karte jaa rahe hai...! Baarsaat ke mausam mein bhigna, bhul jaa rahe hai...!! Rishton mein rehkar, rishta hi nahi nibha rahe hai....! Bheed mein apno ka chehra, bhul jaa rahe hai...!! Dard ke beech ishwar ki rehmat ko nahi dekh paa rahe hai..! Kabhi kabhi toh uss ishwar ko hi bhul jaa rahe hai. Na jaane kis khoj mein hum zindagi bita rahe hai..! Jinko chhod kadam badha rahe hai, shayad unhi ki chaahat mein aage chalte jaa rahe hai.