Wo khat mat padhna tum

Meri daraz me ek khat rakha hai use mat padhna tum Usme sab kuch likha hai Hamara milna, tera qareeb ana aur phir yun dur chale jana Use mat padhna tum Ki ye furkate kamm na paad jaye is liye ankho se bhi khat ab mat bhejna tum Mere diye jakhm agar janlne lage toh unhe dawa mat dena Unhe shola bana lena, taaki jo aitbaar baaqi ho, woh bhi mom ki tarah pighal jaaye Aansu palko se jhankne lage toh unhe mat rokna tum Behne dena unhe us hi tarah jaise maine ungliyon ke beech se tera aab-e-ishq behne diya tha jab guzro un hum-rah raston se toh palat kr mat dekhna us sadar us thikane ko jaha hum mile the Wo yaadein tumhari amanat thi, Maine hi unhe bojh bana diya. Ab unhe kandhon par mat dhona tum, Bekaar mein apna waqt zaya mat karna tum. Meri mez ki daraz mein ek khat rakha rahega. Us par waqt ki gard jamne dena Jo keh na saka, use khamosh hi rehne dena, Meri khata ki saza mujhe hi milne dena, Bas us khat ko kabhi mat padhna tum. ~ Ojas Dubey