Wena

Ke rile ke go tandinya ka boferefere Ka fitlhela matlho a phage a lebane ka boferefere Kana pelo yame ne e jetse ya gago nala Ya nnela ruri ka e kgatlhiwa ke bojanala Ya itumela jaaka setlhare se le mo mmung o nonneng Kana o montle le pelo Bontle jwa go ntsha pelo pelaelo Bontle bo senang dibelebejane O serurubele se se fofelang gaufi le pelo yame O tsere le dingongorego tsame, Ya sala e kare di tserwe ke sefefo sa moya O motswedi o se kitlang o kgala lerato O mphitlhetse ke kolokotega mo lekgwarapeng Jaaka setlhako se sena mmati Yare maroba a pelo a bulega , Ka gopola fa o le teemane ya tlhwatlhwa e thata go bonwa Mpho yame ya botshelo, Le tselakgopo ga ke tshabe go e tsamaya