****ਗਜ਼ਲ****

05.03.26 ਇਸ਼ਕ ਰੂਹਾਂ ਦੀ ਸਦੀਵੀ ਕਹਾਣੀ ਹੈ, ਹੁਣ ਨਾ ਕੋਈ ਰਾਜਾ ਨਾ ਰਾਣੀ ਹੈ। ਇਸ਼ਕ ਹਕੀਕੀ ਔਖਾ ਭਾਵੇਂ ਰਸਤਾ, ਹਰ ਸਾਂਝ ਅਸੀਂ ਰੱਬ ਨਾਲ ਨਿਭਾਣੀ ਹੈ। ਸਾਹਾਂ ਵਿੱਚ ਸਾਡੇ ਵਸਦਾ ਤੂੰ ਦਾਤੇ, ਇਹ ਜੀਵਨ ਤੇਰੀ ਹੀ ਮੇਹਰਬਾਨੀ ਹੈ। ਹਰ ਬੰਧਨ ਤੋਂ ਮੁਕਤੀ ਉਹ ਪਾ ਲੈਂਦੇ, ਜਿਨ੍ਹਾਂ ਉਸ ਰੱਬ ਦੀ ਰਜ਼ਾ ਪਛਾਣੀ ਹੈ। ਭੁੱਲ ਕੇ ਵੀ ਤੈਨੂੰ ਭੁਲਾ ਨਾ ਪਾਈਏ, ਸਾਂਭ ਕੇ ਰੱਖੀ ਤੇਰੀ ਹਰ ਨਿਸ਼ਾਨੀ ਹੈ। ਦਿਲ ਵਿੱਚ ਤੇਰੇ ਨਾਂ ਦੀ ਜੋਤ ਜਗਾਈ, ਹਰ ਧੜਕਣ ਤੇਰੀ ਹੀ ਦੀਵਾਨੀ ਹੈ। ਸਾਡੀ ਹਰ ਰਗ਼ ਵਿੱਚ ਪ੍ਰੀਤਮ ਦਾ ਵਾਸਾ, ਰੂਹ “ਕਲੇਰ” ਓਸੇ ਦੀ ਪਰਵਾਨੀ ਹੈ। ਪਰਮਿੰਦਰ ਕੌਰ ਕਲੇਰ ✍️