କାଗଜି ଫୁଲ

ହଁ... ମୁଁ କାଗଜ ଫୁଲ ଯାହାର ସୁନ୍ଦରତା ଦେଖି ତୁମ ପରି ଭଅଁର ଗୁଣୁଗୁଣୁ ହୋଇ ଦୌଡ଼ି ଆସିଥିଲା । ସେତେବେଳେ ତ ମୋ ପତ୍ର ମଧ୍ୟ ସୁନ୍ଦର ଲାଗୁଥିଲା, କେଜାଣି ଜାଣେନା କାହିଁ ଆଜି ମୁଁ ଅଲୋଡ଼ା । ତୁମେ ସୁନ୍ଦରତା କୁ ତ ଭଲ ପାଇଲ ପାରିଲନି ମୋ ହୃଦୟ କୁ ଚିହ୍ନି। ତୁମେ ଜାଣିନ ଶୀତର ମାଡ଼ ଓ ଖରାର ତାତି କୁ ସହି ମଧ୍ୟ ମୁଁ ବସନ୍ତରେ ତୁମ ପାଇଁ ମୋ ଦେହେ ବାସ୍ନା ଭରିଥିଲି ତୁମେ କଣ କଲ ବର୍ଷା ର ସନ୍ଧ୍ୟା ରେ ମୋତେ ଭେଟିବାକୁ ଆସି ତୁମ ନରମ ହାତର ବାସ୍ନା ରେ ମୋତେ ତୋଳି ନେଲ ସତ.. କିନ୍ତୁ ବାସ୍ନା ର ଅଭାବରେ ମୋତେ ସେଇଠି ପକେଇ ଦେଲ କାଦୁଅ ଭିଜା ମାଟିରେ , କେତେ ଦିନ ଅବା ବଞ୍ଚିଥାଆନ୍ତି ବର୍ଷା ର ସୁଅ ରେ ଲୁହ ଗଡେଇ,ଆଜି ବି ସେମିତି ପଡ଼ିଛି ତୁମ ପାଦ ମୋତେ କେତେ ଥର ମକଚି ସାରିଲାଣି କିନ୍ତୁ ଥରେ ହେଲେ ମୋ ଆଡ଼କୁ ଦେଖିଲନି... ହଁ... ହଁ.. ମୁଁ ସେହି କାଗଜି ଫୁଲ ।।