गज़ल

मंग्गदे आए हे कल तक जो दुहारी, ज़िन्दगी। अज्ज कैंह बेचन टुरी पे, ओह वपारी,ज़िन्दगी। ज़िन्दगी भर खत्म निं होया, तपाशें दा सफ़र, ज़िन्दगी तुपदे गे लंगी उम्र सारी, ज़िन्दगी। भाखदी फिरदी त्रेलां ,ओह गलासें सक्खनें, मै-कशें जो मस्तिएं हासें, गुजारी ज़िन्दगी। साम्भना लाओ तां सदियां बी बझोन्दी बिंद गै, बंड्डना लाओ तां सुद्दी बिंद हारी ज़िन्दगी। आ पुआने पैर मुड़िये अग्ग पैंडे सेकचै, हादसें दे शैह्ऱ उसने फिह् खलारी, ज़िन्दगी। सूलिआ जिस ने टंगोना हा सवेरे, मुन्सिफा! खंज्जरें उसने गुजारी रात सारी ज़िन्दगी। रोज़ चेहरें पर पचोन्दी, दो-रुखी तस्वीर गै, अंदरें धुखदी चिआली, बाहर जारी ज़िन्दगी। शैह्ऱ फाकें दे "बगान्ना" रुट्टीआ दी लालसा, नेरने ढिड्डे कुसा गासा तुआरी, ज़िंदगी। --सुशील "बगान्ना" जम्मू। 23/09/2008