📖ਕੌਮਾਂਤਰੀ ਮਾਂ ਬੋਲੀ ਦਿਵਸ ✍️

🌹 ਮੇਰੀ ਮਾਂ ਬੋਲੀ ਪੰਜਾਬੀ 🌹 ਸਭ ਬੋਲੀਆਂ ਤੋਂ ਮਿੱਠੀ ਲੱਗਦੀ, ਮੈਨੂੰ ਮੇਰੀ ਮਾਂ ਬੋਲੀ ਪੰਜਾਬੀ। ਬੋਲੀਆਂ ਭਾਵੇਂ ਸਭ ਪਿਆਰੀਆਂ, ਪਰ ਇਸ ਦੀ ਟੌਹਰ ਨਵਾਬੀ। ਕਦੇ ਨਾ ਇਸ ਨੂੰ ਮਨੋਂ ਵਿਸਾਰਾਂ, ਇਹ ਮੇਰੇ ਦਿਲ ਦੀ ਸੱਚੀ ਚਾਬੀ। ਮਾਂ ਬੋਲੀ ਮੈਨੂੰ ਬੜੀ ਪਿਆਰੀ, ਇਸ ਦਾ ਦਿਲੋਂ ਸਤਿਕਾਰ ਕਰਾਂ। ਪੰਜਾਬੀ ਵਿੱਚ ਲਿਖਾਂ ਪੜ੍ਹਾਂ ਮੈਂ, ਮਾਂ ਬੋਲੀ ਦਾ ਪ੍ਰਚਾਰ ਕਰਾਂ। ਇਸ ’ਤੇ ਕੋਈ ਉਂਗਲ ਚੁੱਕੇ, ਇਹ ਗੱਲ ਨਾ ਕਦੇ ਵੀ ਜਰਾਂ। ਇਸ ਧਰਤੀ 'ਤੇ ਪੈਰ ਰੱਖਿਆ ਤਾਂ, ਮਾਂ ਬੋਲੀ ਨੇ ਸਵਾਗਤ ਕੀਤਾ। ਪੰਜਾਬੀ ਵਿੱਚ ਸੁਣਾ ਲੋਰੀਆਂ, ਮਾਂ ਨੇ ਪਾਲਣ–ਪੋਸ਼ਣ ਕੀਤਾ। ਜਿੰਦਗੀ ਦੇ ਹਰ ਇੱਕ ਕਦਮ ’ਤੇ, ਇਸ ਨੇ ਸਾਥ ਸਦਾ ਹੀ ਦਿੱਤਾ।