गजल : "चेतनाको हार"

​बिहानै स्कुल पठाएको छोरो, लास बनेर आउँदा कस्तो हुन्छ? त्यो कलिलो सपनाको दियो, रगतमा डुबेर निभाउँदा कस्तो हुन्छ? ​७५ काख रित्तिए यहाँ, सयौं अझै छटपटीमा बाँचिरहेछन्, तिनलाई 'आतंककारी' भनी, शासकले अट्टहास लगाउँदा कस्तो हुन्छ? ​अरबौं लुटेर महल बनाउनेले, आज आगो झोसेर प्रमाण जलाए, आफ्नो पाप लुकाउन 'एआई' (AI) लाई, दोषी देखाउँदा कस्तो हुन्छ? ​छिमेकीको छोरो ढल्दा मुकदर्शक भयौ, ताली पड्कायौ तिमीले, त्यही तातो गोली आफ्नै सन्तानको, छातीमा सुताउँदा कस्तो हुन्छ? ​पुरानैलाई 'जिन्दगी' भन्छौ, अझै उनीहरूकै झन्डा बोक्छौ रे, देश बेच्नेको आरती उतारी, आफ्नै खुट्टामा बञ्चरो चलाउँदा कस्तो हुन्छ? ​खल्ती भरेर अरब लुकाउनेलाई, अझै 'भगवान' मानिरहन्छौ भने, सतिले सरापेको यो देशमा, तिम्रो चेतनाले हार खाँदा कस्तो हुन्छ? ​अब त आँखा खोल ए मान्छे, कतिन्जेल बन्छौ अन्धो दास यहाँ? आफ्नै भोटले आफ्नै सन्तानको, चिहान खन्दा कस्तो हुन्छ? ✍️अबिना तामाङ