जने देखे रस
जिनगी में जे भी आबे, कुच्छ-कुच्छ सीखा के जा हे। कोय झिटे तनी मनी, कोय तो चुना लगा जा हे।। काम निकाले घड़ी देखs, कलेजा में सट जा हे। कममा सधला पर देखs, अंगूठा दिखा खिसक जा हे।। जखनी कुछो काम रहे, तो हाजिरी लगा-लगा जा हे। चंदन टिका लगा के फिन, ऊ राह बदल के जा हे।। काम पड़ला पर अदमी के, गधो भी बाप बन जाहे, जे बाप नै हे काम के तो, बाप गधा गदानल जा हे।। ई कलजुग में अब भारी, ई बीमारी बनल जा हे। जने देखलक रस ओने, जाके लोग सटल जा हे।। नरेंद्र सिंह, 05.05.2025
