जुगबे बिगड़ गेल

बुढ़वा-बुढ़िया रील बनाबे, संसकार में लगल पलीता। नाचे-गाबे गाना भौंडा, पढ़य नैय ऊ मानस गीता।। बड़का असर पड़ल पीढ़ी पर, बिगड़लय बऊआ-मंईयाँ। किरतन-भजन नैय अब होबय, होबे सगर कमर लचकइयाँ।। संसकार दिखइ नै कहूँ पर, करय सभे अब बड़ मनमानी। हया-लजा पी गेल घोर के, कलजुग के ई भेल कहानी।। बेटा-बेटी रील बनाबय, दे हे माय-बाप टिटकारी। बुढ़वा-बुढ़िया थिरकय नाचय, पोता-पोती दे सिसकारी।। सामाजिक मंच गमक गेल हे, गंदा रील के मारामारी। कउन केतना नंगे रह सकत, सभे में होड़ मचल हे भारी।। नरेंद्र सिंह, अतरी, गया 26.05.2025