गोसोथोनायनि जाहोन

बोथोर सोलायनाय बादि नों सोलायोब्ला दाव खौऔनि बैसागु बरायनायखौ नों नुलांनाय नङा नों नुलांनाय नङा मोनाबिलि सिख्लानि खानाइ हगारसारनाय हाइना महर खाम सुफिन सेरजा गंगोनानि महर आरो देंखो नों नुलांनाय आरो खोनालांनाय नङा आबै आबौनि सल' बाथा नों खोनालांनाय नङा नों नुलांनाय नङा हाथासुनि हाबानि महर आरो नों नुलांनाय नङा खेराइ दौदिनिया मोसानाय बेनिखायनो नों दा फैथ' रंगिना संगिना गाब गानानै गोसोथोनायनि बाथ्रा बुंनो फुंनि निहोराव थाखोमानाय नों हिराब्ला नों बेवनो थाखोमा जोमैनि सिङाव थाखोमानाय अखाफोरब्ला आन्दोआवनो था माब्लाबा नों नुलांनाय आंनि गोसोखौ सिखार खालामनो फै जं दाहाल थुंग्रि लायालाबासिनो दैसानि निजोरा बादि जिरि जिरि गोजोन बोहैबोनानै गुरै गुसु सुदेम बार जानानै फुंबिलिनि साननि सोरां जानानै आरो फैथारनो गोसो जादोंब्ला सिमां जानानै फै गोसोथोनायनि बाथ्रा बुंनो बोथोर सोलायनाय बादि नोंल' दा सोलायथ' फागुननि मोनाबिलियाव लोगो हमनायनि रादाइ दंब्ला बैसागुआव गोसोथोनायनि मेथाइ खननांगौ दंब्ला औ दा सोलायथ' गोसोथोनायनि आर'नाइ फालि दादोंब्ला ©सानखां दैमारि