🥀ਵਿਛੜੇ ਯਾਰ 🥀

**ਗ਼ਜ਼ਲ** ਸਾਥੋਂ ਤੇਰਾ ਨਾਮ ਲਿਖਾਵੇ ਗ਼ਜ਼ਲ। ਮੋਰਾਂ ਵਾਂਗੂੰ ਪੈਲਾਂ ਪਾਵੇ ਗ਼ਜ਼ਲ। ਬਹਿਰ ਵਜ਼ਨ ਵਿੱਚ ਹੋਵੇ ਜੋ ਸਿਰਜੀ, ਉਹ ਸਭ ਦੇ ਦਿਲ ਨੂੰ ਭਾਵੇ ਗ਼ਜ਼ਲ। ਕਰ ਕੇ ਤੈਨੂੰ ਚੇਤੇ ਸੋਹਣਿਆਂ, ਰੋਂਦੇ ਦਿਲ ਨੂੰ ਫਿਰ ਹਸਾਵੇ ਗ਼ਜ਼ਲ। ਚੁੱਪ ਦੇ ਅੰਦਰ ਵਸਦੇ ਦਰਦਾਂ ਨੂੰ, ਵਿੱਚ ਲਫ਼ਜ਼ਾਂ ਦੇ ਆਣ ਸਜਾਵੇ ਗ਼ਜ਼ਲ। ਟੁੱਟੀਆਂ ਆਸਾਂ, ਸੁੱਤੇ ਖ਼ਵਾਬਾਂ ਨੂੰ, ਨਿੱਤ ਅੰਮ੍ਰਿਤ ਵੇਲੇ ਜਗਾਵੇ ਗ਼ਜ਼ਲ। ਜਦ ਕਿਸਮਤ ਵੀ ਦੇ ਜਾਂਦੀ ਧੋਖਾ , ਦੇਕੇ ਸਹਾਰਾ ਫਿਰ ਉਠਾਵੇ ਗ਼ਜ਼ਲ। ਉਹ ਦੁੱਖ ਸੁੱਖ ਸਾਡੇ ਸੁਣਦੀ ਸਾਰੇ, ਫਿਰ ਖੁਦ ਤੇ ਦਰਦ ਹੰਢਾਵੇ ਗ਼ਜ਼ਲ। ਜਦ ਆਪਾਂ ਰੁੱਸ ਜਾਈਏ ਯਾਰਾਂ, ਸਾਨੂੰ ਝੱਟ ਹੀ ਆਣ ਮਨਾਵੇ ਗ਼ਜ਼ਲ। ਰੂਹ "ਕਲੇਰ" ਜਦੋਂ ਤੜਫੇ ਵਿਲਕੇ, ਓਦੋਂ ਵਿਛੜੇ ਯਾਰ ਮਿਲਾਵੇ ਗ਼ਜ਼ਲ। ਪਰਮਿੰਦਰ ਕੌਰ ਕਲੇਰ✍️✍️✍️