ଦୁଷ୍ଟ ପିଲାଟି

ଗୋଧୋଳି ର ସନ୍ଧ୍ୟାବେଳେ, ତାରା ଗହଣରେ ବାଲି ଅଗଣା ରେ ପିଲାଟି ଖେଳେ, କେତେ ଖୁସିରେ ପୁଣି ଘରକୁ ଫେରେ।। କେବେ ଉଦା ଜୁଡୁବୁଡୁ, ତ କେବେ ଧୂଳି ଧୂଷର କେବେ ପୁଣି ଫେରେ ହୋଇ କାଦ ସରସର ମାଆର ପଣତ ଧରି ଝାଡି ହେଇ ପଡ଼େ କ୍ଷତ ଖଣ୍ଡିଆ ତାର ନଥାଏ ନଜର।। କାହା ଆମ୍ବ ତୋଟା କାହା ବାଡି ଫଳ ଲୁଚାଇ ଆଣି ଖୁସି, ହୁଏ ସେ ପ୍ରବଳ ସାଙ୍ଗ ମାନଙ୍କ ସହ ମିଶି, ମାଡ ମଧ୍ୟ ଖାଏ, କିନ୍ତୁ ହସି ହସି ପୁଣି ଘରକୁ ସେ ଯାଏ।। ବାପା ମାଆଙ୍କ କଥାକୁ କରେନି ଖାତିରି ତାକୁ ଅବା ବାନ୍ଧି ହେବ ଧରି ସ୍ନେହର ଦଉଡି, କୋମଳ ଚେହେରା କୁ, ତାର ହସ ଠାଏ ଠାଏ ଦୁଷ୍ଟ ପିଲା ବୋଲି ଡାକନ୍ତି ସଭିଏଁ।।