🙏ਬਾਬੇ ਨਾਨਕ ਅੱਗੇ ਅਰਦਾਸ🙏

🌹ਪ੍ਰਕਾਸ਼ ਗੁਰਪੁਰਬ ਸ੍ਰੀ ਗੁਰੂ ਨਾਨਕ ਦੇਵ ਜੀ🌹 ਰੱਖੀਂ ਸਦਾ ਤੂੰ ਲਾਜ ਬਾਬਾ ਨਾਨਕ, ਕਰੀਂ ਪੂਰੇ ਸਭ ਕਾਜ ਬਾਬਾ ਨਾਨਕ। ਸਿਰ ਉੱਤੇ ਰੱਖੀਂ ਮਿਹਰਾਂ ਭਰਿਆ ਹੱਥ, ਹੋਵੀਂ ਨਾ ਕਦੇ ਨਰਾਜ਼ ਬਾਬਾ ਨਾਨਕ। ਦੁਨੀਆਂ ਤੋਂ ਦੂਰ ਕਰੀਂ ਝੂਠ ਤੂਫ਼ਾਨ, ਠੱਗੀ ਦੇ ਉਘੇੜੀਂ ਪਾਜ ਬਾਬਾ ਨਾਨਕ। ਮਿਹਨਤ ਮੁਸ਼ੱਕਤ ਦਾ ਬਲ ਬਖ਼ਸ਼ੀਂ, ਨੇਕੀ ਦਾ ਬਖ਼ਸ਼ੀਂ ਤਾਜ ਬਾਬਾ ਨਾਨਕ। ਜਣੇ ਖਣੇ ਅੱਗੇ ਤੂੰ ਝੁਕਣ ਨਾ ਦੇਵੀਂ, ਸੁਣਦਾ ਰਹੀਂ ਆਵਾਜ਼ ਬਾਬਾ ਨਾਨਕ। 'ਕਲੇਰ' ਦੀ ਕਲਮ ਨੂੰ ਸਦਾ ਮਾਣ ਬਖ਼ਸ਼ੀਂ , ਲਿਖਵਾਈਂ ਸੱਚੇ ਅਲਫ਼ਾਜ਼ ਬਾਬਾ ਨਾਨਕ। ✍️ ਪਰਮਿੰਦਰ ਕੌਰ ਕਲੇਰ