ಶಾರ್ವರಿ

"ಕಣ್ಣು ಕಾಣಿಸದಷ್ಟು ದೂರದಲ್ಲಿರುವೆ ಮತ್ತೆ ಮತ್ತೆ ಹತ್ತಿರವಾದಂತೆ ದೂರ ಸರಿವೆ. ಇರುಳೇ... ದರೆಗೆ ಅಂಟಿದಂತಾಗುತ್ತಿದೆ ಮತ್ತೇಕೆ ಬೆಳಕ ಹುಡುಕಲಿ ಶಾರ್ವರಿ ನೀನಿರೆ. ಮಸಣದಲ್ಲಿ ಸುತ್ತಿ ಸುರುಳಿಯಾಗಿಹುದು ಬದುಕು ಸುಟ್ಟ ಮೇಲೂ ಚಿತೆಯಿಂದ ಎದ್ದ ಹೊಗೆಯಂತೆ. ಮುಗಿದಾದ ಮೇಲೆ ಏನುಳಿದಿದೆ ಹೇಳು ಕಳೆಬರವೇ ಕರಗಿ ಬೂದಿಯಾಗಿ ಹೋಗಿದೆ. ಅಂತರದಲ್ಲಿ ಅಡ್ಡಾಡುತಿದೆ ಈ ನನ್ನಾತ್ಮ ಸೇರಿಸಿಕೊಳ್ಳದಷ್ಟು ಪಾಪಿಯೇ... ನಾ. ಪರಮಾತ್ಮನಿಗೂ ಬೇಡವಾಗಿರುವಾಗ. ಎನ್ನ ನೆನಪಿನಲ್ಲೇಕೆ ಇರುವೆ ನೀ ಹೇಳು. ಮರೆತುಬಿಡು ನಿನಗೇನೂ ನೀಡದವನ ನೆನಪಿಸಿಕೊ ಖಾಲಿ ಕೈ ಮಾಡಿದ ಬಡವನ. ನೀ ಸಿಡುಕದಿರು ಎನ್ನ ಮೇಲೆ ಮತ್ತೆ ಮತ್ತೆ ನಾ ಸತ್ತೋಗಿ ಸುತ್ತುತಿರುವ ಪಾಪಿ ನಾ.. ಯಾರಿಲ್ಲವೆಂದು ಕೊರಗದಿರು ಮತ್ತಾವಾಗಲೂ ಸುತ್ತ ನೋಡು ಜಗವೇ ನಿಶ್ಚಿಂತೆಯಿಂದಿದೆ. ಪಾಪಿ ಹೋದನೆಂಬ ತುಂಬು ಖುಷಿಯಲಿ ಪಾಪಿ ಹೋದನೆಂಬ ತುಂಬು‌ಖುಷಿಯಲಿ. -ಅಂತರ್ಮುಖಿ (ಪ್ರಶಾಂತ್ ಕುಸ್ಕೂರ್)