এই পথেৰে

এই পথেৰে আগুৱাই গ'লেও পাম মই মোৰ লক্ষ্যস্থান থাকিব পাৰে এই পথত অনেক কাঁইটীয়া আচ্ছাদন, খোজে প্ৰতি অজস্ৰ শিলৰ আহ্বানত খাব পাৰোঁ মই কৰ্ফাল তথাপি মোৰ বাবে যে এতিয়া এই পথেই সবাতোকৈ ভাল। কথা আছিল যাৰ স'তে জীৱন বাটত খোজ দিয়াৰ অনন্ত সীমানালৈকে তেৱেঁই এৰি গ'ল মোক এই জৰাজীৰ্ণ, জয়াল পথত অকলশৰে, তথাপি নহওঁ মই বিচলিত, নহওঁ ক্লান্ত, কদাপি নহওঁ দিগভ্ৰান্ত এই দুৰ্গম পথেৰেই এদিন লক্ষ্যবিন্দুত হ'ম মই উপনীত।