नोंनि बिमानि मुङाव

जक्षा बेरामाव गोग्लैनाय जोंनि बे हादर उखुन्दै आरो खुवा साग्लोबनायजों हां थोनो थोनो जिनाहारि जानाय बिनानावमोननि होसिख्रावनाय दैथायहरनो हानाय मोनब्ला रायखसनि खोमासायाव गावगौमोन खोमा ।‌‍ गोसोम जोमै बादि बारसिनख्लायदों हाजोनि गुफुर गुफुर मानसि नि सायाव गोबार सोगोमनायजों मावखांदों बिसोरनि इन्जुर आंनि गोरबोनि मोनफ्रोमबो मावनायजों लैथोनि दाहारा सिमा गैयै बोहैदों मोख्रेबगाप्रोम आंनि मेगन बिलाइ आव दै बाना थाब थाना दं नाथाय आंनि रेबगननि मोनसे खम बेसेननि बरायनाय आरो रानसाव अनसायनायनि अनगा जेबोखौनो दैथायहरनो हायाखिसै नोंसोरनि गेदेमा जोहोलावफोरनो नोंसोरनि बाला हामानि उदां फोथारखौ सोमावसारनायनि बेगरफोरा अर बादि साग्लोबसारदों बेनि रादाबजों आंनि गोरबोआ खामब्लावदोंब्लाबो नोंसोरनि मुङाव दैथायहरबाय आं सुदेम मोजांमोननाय दाखालिसो दावहायाव रुंसारि जालांनाय फंबाय -बिनानावफोरनि गोथार थैनि देहाखौ हूगारनानै नोंसोरनि बिमा हादरनि साफ्रोमबो मुंख्लंनो दैथायहरबाय आं । -बिलिफां बासुमाथारि ।