#অণুগল্প #তৃপ্তিৰে এসাঁজ

:-- মা, মোক আৰু দুডোখৰমান মাংস দিয়া । :-- মা মোকো দিয়া । কিমান দিনৰ মূৰত যে মাংস খাইছোঁ....! হেঁপাহেই পলুৱা নাই জানা ! তৃপ্তিৰে মাংস,ভাত খাই থকা ল'ৰা-ছোৱালী দুটাৰ মুখলৈ চাই মাকণৰ দুচকুৰে টোপাটোপে চকুলো বাগৰিল। এটি গধুৰ হুমুনিয়াহ কাঢ়িলে মাকণে। সদায়ে ভাতৰ পাতত বহি নিমখ, তেলৰ সৈতে ভাতকেইটা দেখি "মা, সদায় সদায় আমাক কিয় শুদা ভাত খাবলৈ দিয়া? বজাৰৰ পৰা মাংস নানা কিয়? এনেকৈ ভাত খাব পাৰি নেকি? নহ'ব! কাইলৈ আমাক ভাতৰ লগত মাংস লাগিবই...!" বুলি হুলস্থুল লগোৱা অবোধ শিশু দুটিয়েতো নাজানে মাকে যে সিহঁতক আজি ৰাস্তাত গাড়ীযে চেপি মাৰি থৈ যোৱা কাৰোবাৰ কুকুৰাৰ মাংসৰেহে ভাত খোৱাবলগা হ'ল ।