**""ਗ਼ਜ਼ਲ""**

ਮਿਤੀ: 18.04.25 ਮੌਸਮ ਨੇ ਅੱਜ ਵੱਖਰੇ ਰੰਗ ਵਿਖਾਏ ਨੇ, ਕਾਲੇ ਕਾਲੇ ਮੇਘ ਅਕਾਸ਼ੀਂ ਛਾਏ ਨੇ। ਯਾਦਾਂ ਦੇ ਪਰਛਾਵੇਂ ਘੇਰਾ ਪਾ ਲੈਂਦੇ, ਜਦ ਵੀ ਤੇਰੇ ਸੁਪਨੇ ਸਾਨੂੰ ਆਏ ਨੇ। ਦਿਲ ਦੇ ਵਿਹੜੇ ਆਕੇ ਤੇਰੇ ਖਿਆਲਾਂ ਨੇ, ਮਨ ਦੇ ਸਾਰੇ ਕੋਨੇ ਹੀ ਮਹਿਕਾਏ ਨੇ। ਜਦ ਵੀ ਤੁਰਦੇ ਹਾਂ ਅਣਜਾਣੇ ਰਾਹਾਂ ਤੇ, ਉਸ ਪਲ ਸਾਨੂੰ ਚੇਤੇ ਤੇਰੇ ਆਏ ਨੇ। ਸਾਵਣ ਦੇ ਛਰਾਟੇ ਵੀ ਮਨ ਨੂੰ ਭਾਉਂਦੇ ਨਾ, ਦਿਲ ਦੇ ਵਿਹੜੇ ਵਿੱਚ ਸੰਨਾਟੇ ਛਾਏ ਨੇ। ਚੰਨ ਸਿਤਾਰੇ ਕਰਨ ਤੇਰੀਆਂ ਹੀ ਗੱਲਾਂ, ਹਵਾਵਾਂ ਨੇ ਅੱਜ ਤੇਰੇ ਗੀਤ ਸੁਣਾਏ ਨੇ। ਜਿੱਥੇ ਜਿੱਥੇ ਆਏ ਸਾਨੂੰ ਖ਼ੁਆਬ ਤੇਰੇ ਆਪਾਂ ਤਾਂ ਅੱਜ ਸਾਰੇ ਆਖ ਸੁਣਾਏ ਨੇ। ਹਰ ਪਲ ਮੰਗਾਂ ਸੁੱਖ ਤੇਰੀ ਮੈਂ ਕਾਦਰ ਤੋਂ, ਤੇਰੇ ਨਾਂ ਦੇ ਦੀਪ "ਕਲੇਰ" ਜਗਾਏ ਨੇ। ਪਰਮਿੰਦਰ ਕੌਰ ਕਲੇਰ