Sandook.......

Bade dino baad aaj jab maine yaadon ka sandook khola tha.  Dhool bohot thi uspar, par yaad abhi bhi pura tha.  Kis tarha pehli dafa, apni tharthrati hoton se tumhara naam pucha tha.  Kis tarha tumne mujhse pehli baar rutha tha.  Ek tasvir mili mujhe tum jisme meri baahon meh jaise ruhh lipti ho.  Ab toh aesa hai jaise inn yaadon meh zindagi simti ho.   Tumhe yakin toh nhi hoga mujhpar par firbhi kehta hu.  Tumhara pehla gulaab, aaj bhi mere diary ke panno ke bich sanjho kar rakha hai.  Yaad hai woh rumaal jo tumne galti se uss din khoya tha ???? Thoda pheeka pad chuka hai woh, par tumhari khusboo aaj bhi usse lipta hai.  Woh pal yaad ayi mujhe jab pehli dafa tum uss chaurahe par mujhse milne ayi thi.  Kaise kahu ki muskurahat ke sath khooshiyan sath layi thi.  Malum hai mujhe ki salwar pehena pasand hai tumhe.  Sach kahu toh uss salwar meh tumhe dekhna, pasand hai mujhe.  Mera iraada hai toh nhi ki mai tumhe pareshan karu.  Jo agar kar saku toh tumhari zindagi zara asaan karu.  Mai chahta hu ki tumhe meri saari yaadon se abaad karu.  Zyada kuch nhi bas itna tumse kehna tha.  Bade dino baad jab yaadon ka sandook khola tha.  Dhool bohot thi uspar, par yaad abhi bhi pura tha. - Vivek Gupta.