सिरसक:, सुनs मगहिया

मगही सभे बोलs, मगही में मुँह खोलs, परेम रस घोलs, एकरे पर करs गुमान हो। सुनs सुनs मगहिया।। ई हम्मनी के मईया, मुँह खोलबईया, हे लाज रखबईया, एकरा समझs महान हो। सुनs सुनs मगहिया।। पुरनकी ई भासा हे, सभे के अभिलासा हे, एकरा में मिठासा हे, एकरे बुझ सांस परान हो। सुनs सुनs मगहिया।। मगही के अछा हाल हल,एकर राज बिसाल हल, एकर सुनहरा काल हल,एकरे में मिले गयान हो। सुनs सुनs मगहिया।। मगही के सान बढ़ाबs , पूरनका दिन लौटाबs, मगही के गुन बड़ी गाबs, करs मगही के उथान हो। सुनs सुनs मगहिया।। नरेंद्र करइ तोहरा से बिनतिया, मानs सभे हम्मर बतिया, सरकार से करs मिनितिया,जे ऊ खोलय आँख कान हो। सुनs सुनs मगहिया।। सुनs सुनs मगहिया, सभे गुनs मगहिया। आठवीं अनुसूची में जुड़य नाम हो, सुनs सुनs मगहिया।। आठवीं अनुसूची में जुड़य नाम हो, सुनs सुनs मगहिया।। नरेंद्र सिंह, 19.04.2025