शीर्षक: सुनs रे लोगवा

खाली हाथे अइलs हे खाली हाथे जइबs, सुनs रे लोगवा। जइसन करबs सभे इहें तू पइबs, सुनs रे लोगवा।। तयाग बईमानी के सभे तू चलिया छोड़ दs तुरते सभे नतललिया। एको लूटल-पाटल काम नै अइतो, सभे माल-पतर हियें रह जइतो।। पाप के कमावल दोसर उड़इतो, पपवा में हिसवा कोय नै बटइतो। दुनिया के साचे येही हो रितिया, निम्मन बतिया के करs परतितिया। अकेले ही तुहीं भोगवs भोगिया, सुनs रे लोगवा। नै बनs बिगड़ल मानसिक रोगिया, सुनs रे लोगवा।। चाल-चलन हरमेसा रखs सादा, जेकरा से निबहे पुस्त बाप-दादा। मगज रखs ठंडा अउ मन पर काबू, लटपट झाल-झपेट छोड़s रे बाबू।। खाली हाथे अइलs हे खाली हाथे जइबs, सुनs रे लोगवा। जइसन करबs सभे इहें तू पइबs, सुनs रे लोगवा।। नरेन्द्र सिंह, 15.04.2025