RITMKARI

Sin•chik sin•chik dakgipa somoi badeango, Balwa balprongkarini salrang sokbao; Gital gital sam bolrangni man•chokbaengo, Ang gisik ka•sroka niktaie uarangko. Grengrara gita pilak cheksirang ong•engon, Do•orangni ma•bakako name nikatengon; Siahama ine chanchiman a bol 'kelwiko', Geng•sa bijak grie porongrong dakako. Do•o mat aro pilak matburingrangna, Mandeni mikrona nitoaninaba, Man•chokbajok nitoriri jak gitalrang, Ritimenba tangsekriri karitango umang. Kari sokjok badeangjok aiao! gitcham salrang, Janggi tangao nama namja aro pilak dukrang, Ritimtaina, gital dakna ja ku ga na apsan, Bijimate nitoatna aro ka sinatna damsan. By Tengku D Sangma On 6th March 2025