Rangarira

Rangarira. Taienda tese kugomo kunetemha matowe . Uchiri kurangarira here tiri pasi pemumhango , tichinwa svutugadzike , uku tiripedo nemugwagwa tichiverenga ose aidarika mabhizautare nemaduta vanhu. Uchiri kurangarira here tichitamba nhodo netsoro pasi pemuhacha. Ndaigara ndichikuudza mashoko aikupa nyemwerero , ainyevenutsa Mwoyo wako. Kuti uri. tsvara kadenga, svusvura ndadya modzi yechingwa. Ko paya pandai Jamba ruzhowa rwekumhatso kwenyu. Zuva raisa vira kana kudoka ndisina kukuona. Rangarira ndichikudeedza nemutupo Asvosve , uchindi mamukasei nekuswera Mukanya. Chinokanganwa idemo muti haukanganwi. Zvirikazvo ndinoti iripo mhodzi yakasima pakati kati panyanza pe wangu Mwoyo. Rangarira tichino shamba kurwizi , tichino chera mvura kutsime. Rangarira paye mudumbu muchirira nyoka dzenzara , tono temha matamba , tsubvu , nemazhanje. Nyota yaibata tirimusango imomo, tochera zvidhende. Takanga tisina ruchiva taigutsikana nezvataive nazvo. Nzira yaiva imwechete. Hana dzichireverana. Rangarira zvese zvatakatenderarana , rangarira paye tichiperekedzana , tichiwirirana nezvese zvatakatsividzana. Mufunge taitadzirana asi chatai koshesa kuregererana.