Prem ka Saagar

Main Krishna sa muskuraata raha, Tere har jhooth ko bhi prem samajh kar jeeta raha. Tu Radha ke roop mein kabhi mili hi nahi, Main har janam tujhmein woh rooh dhoondhta raha. Tere har vaade ko geeta ka shlok maan baitha, Apne har aansu ko bhi teri pooja samajh baitha. Tu toh bas pal do pal ki chhaon thi, Main tujhe amar prem ki dhoop samajh baitha. Tere nafrat ko bhi maine mohabbat ka roop diya, Har khamoshi mein maine tera naam hi liya. Main to mandir sa khud mein tujhe basata raha, Aur tu sheher sheher sang dard chhodti rahi. Kabhi aansuon se likha tujhe, kabhi muskaan se, Tujhse juda hoke bhi juda na hua armaan se. Tu thi meri adhuri aarti, meri mukti ka marg bhi, Phir bhi har janam main ban gaya tera saarthi. Bas ek baar palat ke tu Radha ban jaati, To Krishna bhi apna bansuri chhod aata saathi. Par tu toh maya thi, ek chhavi thi, ek leela thi, Aur main ek bhakt – tujhmein hi apni poori duniya jeeta raha.