pehli jeet

uss din, uss lamha, shaayad voh akeli nahi, aazaad thi... un khayalo se jo dil jakad te the uska, unn khwabo mei, jo azaadi dilate the usse voh na bhootkaal mei thi voh na bhavishya ki chinta mei, voh toh aaj ke dukh mei, ghabrahat mei bhi pyaar ki talaash mei thi, hassi ke talaash mei thi, kuch aise gaano ki talaash mei jo usse khud se pyaar ki jyot de de uske khule baal, uska gam nhi, uska pagalpan the, uski muskurahat thi... voh zulfein, jo Hava ke dhun mei jhoom rhi thi, usse bhi sang leke naach rhi thi... ye dekh, aankhon ke aasu pooch, usne gam ko muskurahat De di... fir... fir kya tha... gam me bhi taufe me khushi toh nhi, par himmat zarur Lauta di.. ek fool le, Kanno mei Fassa ke, usne bhi himmat ko leke, kadam badha hi diya... vaapis, mehnat ke maidaan mei par iss baar voh thaki hui nhi. voh taiiyar thi... gam, himmat, mehnat, sab le, adhron pe usne fir muskaan bhari aur jeet ki raah par agrasar hui... ab pooch rahe hoge, ki jeet bhi gayi? abhi toh kuch kiya hi nhi isne... tum kya jaanoge... isne aaj sab chod ke, yaar,.dost, jhagde, gile shikuye... sab chhod, aaj isne apne liye, itne saalon mei peheli baar Kavita likhi thi... pehli baar khud ko aage rakh, pehli jeet haasil ki thi........