Paralok

Sien nyngkong eh ia nga bad iaphi Ba ia kynduh ha ing jongphi, Ngam ju lah klet ito i sngi Ba ia dihsha bad u Ruti. Sukisuki kat ba nangiaid kipor Khana biria ruh borabor; Wat la ngi sah hala ki dong Kum paralok kein ngi ialong. Tang poi sunday ba rang ba shai Kam ing pyndep ban ioh iaidkai; Kampher lada ha jan ne jngai Ia kmen sngewbha ymlah batai. Man la ka sngi nga kren iaphi La haba rieh (mobile) ne ba iohi; Hynrei don pat kiba bishni Ki sdang wad dong bad ban lorni. Kum shi paralok ngi ia muja La ha sngewsih ne ha sngewbha; Sha rum shaneng ioh sngew khana Hana ngi dei kein shi samla. Ha ing ha sem la sdang suspect La kum i'u briew ba mad shi pek; Ba ym julap hangno hangno Bad ym ju tip naduh mynno. Koit ngim sngewpher halor kata Kum shiparalok ym shi samla; Sha ing jongphi ne ing jongnga Iarung iamih iabam sngewbha. Tang kum paralok ngi kwah ban long Jia katba jia long katba long; Hynrei kyndit poi bnai ba phra Jinglong paralok kein sdang ban pra.