Paa

Haba nga pyrkhat ia phi ko pa katno mynsiem ka tmang; Na ngi phi shu iehnoh jyndat Khlem da poi pyrkhat . Kum u lyoh badum u wan tap ia ka mynsiem jong nga Haba nga iohsngew ia ka khubor jong phi; Hynrei sah satang ki jingkynmaw Ia phi pa baieit jong nga. Ko pa baieit, Wat lada ngam ioh ba iakynduh bad phi ; Hynrei ngan iai dwai man la ka sngi Bad nga kyrmen ruh ba shisien ka sngi ngin ia shem biang ko pa. ko pa baieit Wat klet ia ngi ki khun jong phi; Sa nang theh ki jingkyrkhu halor jong ngi bad i mei ruh; Wat la phim don ryngkat bad ngi, Nga kyrmen ba baroh ki jingthmu jong phi kin sa urlong shisha, Bad ngin sa long ruh kita ki khun tipsngi kumba phi lah ju sneng ia ngi man ka por pa, Sa shisien Pa leit suk ha dwar u Blei, Nga kyrmen ba ngin iashem biang ha kawei pat ka sngi pa.