Neng'a janggi

Neng'a janggin songrena Dikdiksa mangba a'sako, Nanga baljria chilpana Mande ong'e urangko. Am'on tangna nengrae Man'ja alturiti ramako, Duksa pangnan chagronge Neng'ata gisik ka'tongko. Nikgen senge basako Katchaa -kusi re'baako, Gronge ka'dingsmitpana Sengenga dukni bijatchio. Amangja basakobade Chakna duk su'peko Sikkime rang'spitmanpila Gate jak ka'baktango. Balwa balsri balao Romangenma chang'sao, Ka'sinjrim biap namao Sikpaa dongpana uano• Bibal gita ka'ritango Balmangenma sal sojoko, Tikkele re'mikkangpakugen Neng'skimeba asako.