Ndaqhubeka ndaphefumla

Ndaazingcwaba ngolwesibini, phantsi komthi omdala oxela iimfihlo zakudala. Umhlaba wandamkela ngobubele, awabuza ukuba kutheni, wawuvula umlomo, wandiginya ngobulali. Ndandicinga kuzakuzola pha ezantsi, kubekho ukuthula okwenza amanxeba avaleke vinci. Kodwa umhlaba waqalisa ukumbhombhozela, intliziyo yam ayafuna ukuyeka. Zaqengqeleka iintsuku, ndasiva isaqhwithi somoya sindisebezela, sikhasa singena phakathi kweembambo zam, ndeva ilizwi lisebeza lisithi, "Uselapha. Usaphila." Ndaqhubeka ndaphefumla, nzulu, ngenkani, yayingathi umzimba wawungakulungelanga ukukholelwa into awayesele eyigqibile umphefumlo. Ndaazingcwaba ndaqhubeka ndaphefumla. _ngcali writes_