Mein... Srif Mein

Main apne rules pe jeene wali ladki hoon, kisi ke control se pehle, khud ko samajhne wali hoon. Mujhe bandh kar rakhna kisi ke bas ki baat nahi, kyuki maine khud ko hi apni aadat bana li hai kahin. Discipline mera shauk nahi, meri pehchaan hai, aaj ki mehnat hi mera kal ka armaan hai. Kitabein, sapne aur goals hi meri duniya hai, busy rehna hi mujhe sabse zyada sukoon deta hai. Log kehte hai strong ho tum, haan, kyuki toot kar hi sambhalna seekha hai humne. Aaj koi saath ho ya na ho, farak nahi padta, maine khud ka haath pakadna seekh liya hai chupchaap se. Maine apne aap ko itna strong bana liya, ki ab kamzor padna bhi ajeeb lagta hai. Kabhi kisi ke kandhe ki zarurat thi, ab khud ka saaya hi kaafi lagta hai. Haan, thodi muh faat hoon, sach bol deti hoon, jo dil me hota hai, wahi seedha keh deti hoon. Par niyat kabhi buri nahi hoti meri, bas sachai meri aadat hai, aur wahi meri kahani. Har mushkil me positivity dhoond leti hoon, girkar bhi khud ko uthana jaanti hoon. Faltu baaton me waqt khona pasand nahi, isliye khud ko har din better banana chunti hoon yahi.