MA•ANI KATTA

Jangi tangao sikkimjana Poraibone angde, Mikgri gita ong•pajana Tikkelbone dede • Ang mikron mikandalo Midinbone na•ade , Ang ja•a samgittamo Rama dilbo name • A•sak mande janggilato Gualnabe na•ade , Jawa songchi sokangmano Dongpanabe guale• Skironga chu•dapsamo Katta me•suate , Ching mikron mikchipmano Melie dongchimbone• Pringni sal ong•engo Cholko dakchimbone , Chingni re•angmano Nengrae tangpanane• Umangni agana kattao Donga gamchatane , Noktangko wate re•angmano Ua kattarang sokbagenne•