LUNGLENNA

A bul tan dân ka thiam lova, A tâwp khar dân pawh. Lenrualte'n min liamsan a, Lunglênna rauvin mi pâwl a. Chelh theih chang lo mah se, Chelh tumin ka bei fan a. Ka theilo tih ka hria, Mahse, Ka tum fan tho Tlai tlain kâwl êng aliam a, Theih se aliam rual khân Ka lunglênna te hi liam ve in Ka lenrualte hnen han thlen se Kan sulhnu zawng te nen khân Ka lunglênna min tawrhpui turin, Ka hmuh theih leh ka theih apiang, Pârmawi tak te leh Thinghnah te, Pârzû lâwr nungcha tinreng te, Thla leh Ârsi te nen lam. Thil engkim ka hmuh theih apiang, Sâwmin kan inkawm a, Sâwm mah suh ila, Lunglen a zual zawk mah a. Lunglênna hrilhfiah thei awm maw? Lunglênna hrilhfiah theih anih chuan, Ka ngaihah zawng lunglenna ani nêm Ka mu a, ka ngaihtuah a, Ka mu a, ahil silo Fanchun_A