KATCHAAN SAL

Atchiat ka•tongo Jokatgipa Jisuko, Mittelbo katchaanio Raja Gitel Jisuko• Ong•jane cha•a ringao Namgijagipa katchaanio, Atchija indin ua a•sako Re•bajok jokatnasa paprangoniko• Man•pajok namgipa somoiko Ong•jane an•chingni sikao, Gamchatnikbo uni atchianiko Mittelbo ra•e nambatgipa somoiko• Man•jaoba on•pana gamchatbeako Sona ,Rupa a•sakni gameangko , On•bo ka•tongko srongao Man•na sika ukosa an•chingoniko• Re•anggimin salrangko Nipilatbo an•tangni kamrangko, Ong•ama uni nangnikanio Chanchiat batanggimin Chrismasko• Rongtala ka•tongsa unade gamchata Namako dakchinasa Gitelde ge•eta , Baditan ia sal an•chingna gamchata An•chingko jokatnasa Kristode atchia•