Katchaan ma'gipani sal

Je dakgipa ga'dangoba janggi tangbo skanggipa ma'gipako gisik ra'bo .Kangal ong'engoba , neng'nikanio ga'akengoba pangnaba ma'gipako gualnabe .Neng'nikoba , kangalbeoba janggide tangengakonba ?, a'gilsakkode nikahakonba , dikdiksa mangmangde kusikoba chagrongpajokkonba ?.Dikdiksa mangmang kusiko man'ania ma'gipani giminsa man'aha ine gisik ra'bo .A'gilsako ma'gipana bate nambatsranggipa sawa gnang ?. Haida nang'ni ma'gipa namjanaba gnang , indiba gisik ra'bo nang'na uamang badita dakaha .Da'alo namgijana bate skango nang'na dakan hajalni -hajal chansokgija dal'batsranga.Ma'gipani ka'saanina na'a mai a'gilsakni gamko on'e groko chotna amgen.Sona-hirachima ? ong'ja uarang unbaksa toatode dimelaigen .Sona-hira nang'ko man'e cha'atna dakchakgen , janggi tanganiko ra'dogen .Indiba ma'gipa nang'ko simsak-niroke , su'buchim -ki'chipako gale dal'atjaode sona-hirako na'a nikgenchimma? .Ian ma'gipani ka'saani gamchatbatani .Nokkol dake an'tangko nama gadango , maha - maha dakanio dal'atjaoba dongatango , man'atango dal'atjok aro dal'aten ia somoikoba nikna man'pajok .Groko chotpilanide dedrang sakantini daito-osajok .Haida gamko , sonako on'e groko chotpilna man'janaba gnang , indiba jaksokao , dakna amanio donggipa