Ka'sao tanga

Janggi tanga a'sako Man'e nang ka'sako, Ong'ja songrea kakketo Nikkua kolgriksa bilsiko• Papon sripe tangengo Watgalja na'ade angko, Rakkikua an'tang ka'sao Ang papi mandeko• Kraja nang nikao Re'e gongge ramako, Griwa mikjapsa su'diko On'kua songrena a'sakko• Ka'donga gri janggio Man'pana indaka somoiko, Salaramchiko nipilato Nikata jringjrot norokko• Tom'tom dilkua ka'sao Donkuna sike janggiko, Re'jaoba namgipa ramao Mitela apa Isolko• Ang bi'ani nang'o Gital dakbo gisikko, Re'baenga sal-somoio Man'taina indaka cholko•