Kangalni Chanchiani

1. Sokbara gisiko chanchiani atchijok maina kangal ong•e, Pilsara namgnisa tangengoba kangalo ong•e. Kangal ong•e ningjaode masijawachim kangalni nengnikanikon, Haida gamjin banggenchimode gualgenchim angaba Isolkon. 2. Janggi tangna nanganiko chanchiaton; chanchiskoja gisiko, Ka•a amja bilchi sokja chanchiate gisiko. Man•a sike darioba chuongjawa man•gni ango, Sokbaia nanganide gitap gitap angna salantio. 3. Watchanggija pringanti nagipa sal gita; bonchangjawa nanganiba janggitanganio, Jeko mana uko chuongnikanian; nambatgipa ong•gen janggi tanganio. Roa daning angaba matnangesa jawako; chanchiramram nabara mikbuani gisiko, Pattibejok Isolde angna bangbea gamkon, chansok mingsokpiljajok nipilaton patianiko. 4. Dongja anga banga changon mittelpiani Isolko; Donga mikpamkma nie chanchiesa gamna. Kangal ong•e banga skidapaniko man•anina mittelbea Isolko; Chansokpilja mittelsokja janggi tangao Isol nangni patianiko. -F. M. Sangma