Izhar-e-Ishq 🌻

Thak gaya hoon ab is bhaag-daud se, Apni god pe sar rakh sula paogi kya? Agar main bolun meri KHUSHI ho tum, Mere liye apne saare gham bhula paogi kya? Zyada maange nahi hai meri, Kuch haseen pal chahiye saath tumhare, Bolo… bitaogi kya? Jab koi galti kar doon main, Chillana, maar bhi lena, Par uske baad maaf karke bhul jaogi kya? Main jee nahi sakta bin tumhare, Thoda tadpana chalega, Par zyada der mujhse door reh paogi kya? Main kam bolta hoon, chand lafz kahunga, Tum poori dastaan samajh jaogi kya? Main be-intehaa mohabbat karta hoon tumse, Apni mohabbat se ise ishq banaogi kya? Chahta hoon tumhari baahon mein mar jaana, Bolo… ye umr sang mere bitaogi kya? Chand to kehta hi hoon tumhe, Meri jaan, mera ishq, meri mohabbat bhi ban jaogi kya? Izhaar-e-ishq kar raha hoon tumse, meri jaan, Bolo… ab mujhe apna banaogi kya?