Imangni lam

~ By~ Kusumsa Tripura  Kokthaile Bere-bethep,bere-thep   Kha bisingo chaklaiya kupulung Sanani khorang pasaya ani Buba hai bachajak thulung -thulung. Tei busuk chalkho,busukba tongkha? Imangni lam kolokma, Bwkwrang gwnang birwi mankhe Thangwi naikhamun busukse chal? Aitorma hai chwngsana muchungo Salkani sal kasatwi kana muchungo Khorang kokoi phano rwchapna muchungo  Yapri dedak-badak,dedak-badakkhe Thinangni lam kolokmano himganw Mwnakno mechenwide,pohor tubu mano? Yapri sewi tongo dedak-badaklhe. Yak toloi logi tuina kwrwi Kebo khorang rwnai kwrwi Yongdulma hai koine-ne khe Buphung hai thulung-thulung bachajak. Imang kupulung khao chobwi Thanangni kokno wansogwi,wanawi Yapri senani lam kaham naitugwi Angle tongjao jora kahamno naisingwi.