Hausale

kabhi khamoshiyan to kabhi aahatein bechain kar deti hain kabhi manzilein to kabhi safar namumkin sa lagta hai Har mukaam ka sapna , bas sapna reh jaaye to Haan , ye Jahan ek ansuni kahani ka hissa sa lagne lagta hai Himmat ka kya karein par, jo rukne ka naam nahi leti Fir uthke uss ansuni kahani ko sunne ki chahat me , Hausala ekathha kar, Naye panne likhne ka thaan leti ! Bechaini bhi hai aur yakeen bhi kahan le jayegi ye nayi kahani, pata nhi kisse kab mulakaat ho jayegi, jaanti nahi Kya mukammal honge sapne ? Khabar nahi Kuch maloom hai to bas itna ki himmat se mazboot koi hathiyar nahi Jazba aur vishwas ho to , Poore jahan me tumhara koi viram nahi !