Hai chadambe

Silroroatna re'mikkangna Hai chadambe , Ku'mittipe dongtokjana Chrikna gam'kale • Goenggipa kattana Kennabe til'tile , Ku'mongaosa mangrakna Napchipe dongnabe • An'tang daiko mesokna Dongjana ra'chipe, Kakketna mesiltokjana Chakatna ka'donge• Chadambe bilakmitingna Uamang ka'dongjaode , Sao ka'dongtokpana Bilgrijok bisongde • Gisikni silchidarena Sawade kenjade , Kakket sronga kamna Bitdine katnabe • Ong'a kamna chakatna Kimkro ku'monge , So'ritinge chakgrimna Silpagen chang'saode•