Gamchata pilakan.

Ong'rongbewal kattana , ang dal'e ra'ja Badeo katta nangana , darangnaba bamja Chonnike chepna kraana, gisik on'tisaba saja Jensalo ka'tong saa , a'jak sokna kenja • Mandesa basakoba bilgri , chakdamna man'ja Ku'chaka mande damgri , drae darangnikoba ra'ja , Bilni bilrang bilgri , ka'pong unan dakja An'tangon an'tangna kamgri, gaora mesokna sikja • Nikon bilgri mandeko , pilakba kenna gong'ja Dosko dake roeba , ka'dongen kema bi'ja , Skatang katta wateba , bilgrina chanchiani dongja Ning'o baditan mata , namatna an'tangan oja• Chel'a dandanna katta , mikronan do'ga oja Nigale gala bata , sepangkon mikron nikja , Janggile uarang kata , on'tisaba gamchatnikja Ka'tongni gisik katta , potchipe skatang seja• A'sako pilak mandeba , gamchatsrangjade ong'ja Donga dakchakani bil , uarangko galna man'ja , Gri chu'soksranggipa janggi , pangnade chekamja Ga'ako bilgriba saldoa , bilsa bil bilakpaja• Nang jrima salo , bilakgipa sepangkame dongja Donga bilgri samtangtango , maina mikron nija , Re'bo an'tangna simsake , somoi apsan ong'ja Nammitingo ripeng bang'oba ka'dongkamnade man'ja•