Ekgash G Momin

Nitopaja bimango , ka'sinpaja ka'tongo A'ba bolotchong dakgipa , doktapana chrikgipa , Mingnampaja guno , srongpaja bewalo Rongret cholet dakgipa , de'dopana kragijagipa• Namgijana sepango , kakketrangna chel'ao Indake sal sigipa , A'sakkon namnikpaaigipa, Komia ma'sianio , gisik seng'ani bidingo Ong'ja gisik seng'gipa , katta kore man'gipa• Re'gipa rama andalao, chapgipa chakki sigipao Sakgipinoniko skie ra'paenggipa, jawaoniko snampaengipa, Gri changa -sapao , daka-rika kamrango Jakkaltoani grigipa, janggin ja'manchakgipa• Nitonikode bimango , namnikode cholono Uade katta tol'gipa , Ku'watrame galgipa, Chapa an'tangko bebuo , man'gipa choponge galao Ki'sango asongpaaigipa , noksamo nigampaigipa• Donnuna sikja ka'tongtango , pa'rakna sika jakmatango Kakket gisikoni ong'katgipa , ong'ja potchipe segipa , Ong'kata chanchiao , kuturio saksan ong'mitingo A'gilsak angnade rakgipa , ra'biani bang'gipa• Indiba anga asako , songrepaenga un ka'sao Dilenga a'sakko dakgipa , pilakkon ong'atna amgipa, Tangoba salantio , re'oba dingtang ramao Watgalkuja nokgipa , kema ka'na man'gipa•