"Dil vs Dimag"

Aaj phir ek purani awaaz laut aayi, Woh jo kabhi meri duniya basaya karti thi। Boli — “phir se aana chahti hoon tumhare paas,” Aur dil… dil turant maan gaya tha uski baat। Dil bola — “iss baar sab theek hoga,” Jaise use ab bhi us par yakeen ho। Par dimag hansa, thoda kadwa, thoda thaka hua, Bola — “bhai, sach ko bhi kabhi dekh liya kar tu।” “Jisne ek baar chhod diya bina soche, Woh dobara rukne ki wajah kahan se layegi? Jisne kisi aur ko apna bana liya tha, Woh tujhe phir se apna kab tak batayegi?” Dil chup ho gaya… Usne pehli baar dimag ki baat suni, Thoda dard hua, par sach mehsoos hua, Jaise zakhm par marham nahi, haqeeqat lagi। Aur phir maine khud se kaha — “Mohabbat zaroor thi, par izzat bhi zaroori hai,” Is baar khud ko chuna maine, Kyuki har baar tootna bhi zaroori nahi hai। Na bhai… is baar nahi.