Chingni nokdang

Mikkang bimang nampaja Jagringo mangba silpaja , Katta aganna changpaja Lekka pora man•paja• Maming mingnama dongpaja Choligipa nokdang ong•paja , Jawao nokkol dakpanaba Rakkina kragipa ong•paja • Gisik a•ning bitgipa ong•paja Dakna rikna changpaja , Mikgisepchi niatnamangba Danang chingara krapaja • Sikachim jawa gita dakpanaba Gari gora sale ropana , Man•ja sikoba dakpana Sokaijok ja•achi re•aona Ma•a paasa agana Angara chonengmitingna , Mandeska chonikako Ai babara man•ana • Angaba gisik ra•enga Soka te•rik cha•e tuaona , Okkumu chake tusipae Chingni okan gampilpaenga • Balwa gamako knabaon Babade walo tujana , Mikka on•tisa tottakbaon Oi bi•sarang ine chrikatenga• Balwa rakkari somoiode Tunan name man•paja , Babilsio jinma tom•dakjokode Tunan biap dongpaja • Adita bilsini ja•mano Janggi tangani dingtangjok , Man•e cha•gipa ong•pajaoba Okumude chakna nangjajok• Somoi donga sakantina Kangal man•e cha•ani, Gualnabe nokgipako Ian ang gisini sikani •