CHAKCHIKAN CHEA

Jikjakenga beng•bilokrang Chibiloko bilchroke , Re•pakaibo dokangnabe Ka•jroana nidike • A•chak gita toginabe Ja•wan kamo dakmike Chibrim gita bimchipaibo Sokbaigen kamni bitede• Do•nok gita mikrakrongbo Pangnan pilakna Sikkange , Pringni somoi nambata Kamko ka•e ronade• Singhorangkoba chagrongaigen Burung diltuako re•ode , Chakate re•chakatangaibo Banoba ja•gitode • Re•pak-nipak dakangaibo Saoba jakjipatode, Ja•manchakgipa ine chanchiabo Jara ine sol•atode • Pulna chiko rurongaibo Bite nanggen kari sokode , Nisan done re•angaibo Chu•sokaigen chang•saode•