Chakat-mikrak

Pring seng'e do'drang gisikato Knatim nachil uarangni aganako , De'mesaenga gisikachi salgimikni nambatao Me'sokenga sakantina ong'jok ne salko Ketchi-an'pile dongaiode tue palangtango Gimaatengjok salgimikni nambatgipa somoiko, Ja'manchakja somoide re'a ramatango A'ning a'sak sandioba man'jawaha uako • Susaani chasong ja'manchakja pilako Mikrakjaode mikron , man'pajawa biapko, Seng'an chasong a'gilsakko srapo Ong'atgenma mikgri , tikkelgija an'tangko• Bang'beoba majoani re'miting ramao Ga'akoba chakatbo man'na miksongako, Nangaiggenne ja'ga songreon asako An'tangsane oja namatpilna saako• Chasonganba dingtang ka'dongnabe darango Re'pajaode skang, sengjawa nang'ko Nambatani gnang , chakatataie re'taio Tangon miksonga gnang man'a cheaniko• Ga'akaoni chakatgija dongon damsan biapo Salsabatbat nirike gimaatgnok somoiko, Tuchipgija mikrakna , mangrake an'tango Sengenga nokgipa on'na kamni biteko •