Chakat-mikrak

Chengo pagitchamrang gita Mil'am-seppi de'bitkape, Warachakbojok uarang gita Gisik sramakosa jakkal mil'am dake. Niwatate chrikani ong'ja ia kam Ong'katbae jakpong gobo A'chik jato atchipae, Kenkuode ong'katbae chrikpana jattangna Chanjaengama an'tangkon A'chik jat ine• Chon'kamaode branggene A'chik jatrangde Nikengoba mikgri dake dongode indake , Gimanasiengjok Aman a'song chigade Rori a'song pil'atgnok uamang ra'sekdrae. Da'on somoi dongkua uarangko warachaknade Dakgrik kimkro da'on nangjana jaman sintigokgoke, Da'alni kaman ong'ja knal-aminsalnide An'tang nokma ong'oba tanggen su'drang maidake. Gisik matsramgipa ,bida-budi donggiparangde Kimil dingsan cha'dojawa donga maina tuchipe, Chakat sko dondime ,jakkipe gisikni danilko Niwake dongkuaigenma ,bobilnan A'chik jat kengoke• Aman chiga a'songna,apan a'king gorena Niwajama dakgrike ,a'songtangna sanale, Ku'mittipe dongnapaiama,mikron miknapaiama Gimaangengjok a'songde,nibojok A'chik a'song ku'monge•