Bi'san sal

Bao duk jajreanga Grichim angna , Ka'tong cha'suata Chanchie ua salna. Pring sengon banosa Simbraja cha'anina , Kal'e ripeng baksa Guala mikon cha'na• Kusin gapa roame Duk gri sintipana, Dal'ahaon neng'nika srape Man'jaha katchapana. Man'taiodechim dal'ahaoba Indake janggi tangna , Simbraata da'osa Mikchi jingjang una. Katchaachin pindapa Ua sal pangna, Ka'srokanin dongkapa Sintia gri jringna. Ga'akosan nangachim Mikchi ripakpana , Sa'dikosan chrikachim Chaknapjae be'entangna.