Bilcham

Gitchaksrisri salni onchokangengo, Walni andalani jagringrang simdapbao; Sang•etrangni teng•ani ching•chet ching•chet dake, Nitoata walni bakko askirang teng•dape. Rim•na man•ja walko darang nikjao, Chagakman•o rang•spia rang•san gisiko; Indakmiting chachao maiba teng•baode, Kusin mikchi ga•akpila aiao inmane. Walo rama dilo re•dilboda na•an, Snamdile, bilcham so•e ja•kusanbo damsan; Ja•gitot gipujawa ja•sanpa•giparangba, Nikpachina sokpachina darang mandeba. Lekka pora bida budi skie ra•anio, Jasengatna chingchaatna nanga teng•aniko; Bidan bilcham so•bake jrangatbo a•songko, Ja•kusankan re•pakan nike an•tang ramako. On 3rd November 2025